Ölkə əhalisinin 52 faizindən çoxunun yaşadığı kənd yerlərinin içməli su təchizatı faktiki olaraq dövlətin nəzarətindən kənarda qalıb. İçməli su təchizatına birbaşa cavabdeh olan “Azərsu” ASC isə yalnız Bakı və Abşeronun və qismən rayon mərkəzlərinin su təminatı ilə məşğul olur. Səhmdar cəmiyyətin xidmət göstərdiyi ərazilərdə bu işin öhdəsindən nə dərəcədə gəlib-gəlmədiyi bir yana, fakt odur ki, müasir Azərbaycan  kəndlərində nəinki içməyə yararlı, heç heyvanların suvarılması üçün də su tapılmır. Eləcə də Ermənistan Silahlı Qüvvələri ilə üzbəüz mövqedə yerləşən Tərtər rayonunun Qaynaq kəndində.

Azərbaycanda antikorrupsiya kampaniyasının 1 ayı arxada qaldı. Yanvarın 27-də Prezident Administrasiyasının rəhbəri Ramiz Mehdiyevin sədrliyi ilə keçirilən korrupsiyaya qarşı mübarizə tədbirləri sonradan bütün hökumət strukturlarını əhatə etdi. Bir çox nazirliklərdə məmurların cəzalandırılması, rüşvətin ləğv olunması xəbərləri gəldi. Ancaq ötən bir ay daha çox ciddi bahalaşma ilə yadda qaldı. Bəzi ekspertlərə görə, bahalaşma oliqarx məmurların antikorrupsiya kampaniyasına etirazıdır.

Ötən il Azərbaycan əsas kapitala investisiyanın artımı və inflyasiyanın aşağı səviyyədə saxlanmasına görə MDB ölkələri arasında lider, sənaye istehsalının artım tempinə görə sonuncu olub. “İqtisadi forum” jurnalının məlumatına görə, MDB dövlətlərarsı Statistika Komitəsi 2010-cu il üzrə statistik məlumatları açıqlayıb.

2011-ci ilin investisiya proqramına nəzər saldıqda aydın olur ki, kifayət qədər böyük miqdarda vəsaitlər ayrılıb. Nazirlər Kabinetinin 26 yanvar tarixli 21 saylı sərəncamı ilə təsdiqlənən investisiya proqramı ümumilikdə 418 layihəni nəzərdə tutur. İnvestisiya büdcəsi isə 3 milyard 380 milyon manat təşkil edir. Proqramda ən böyük xərc istiqamətlərini nəqliyyat layihələri təşkil edir. Bu istiqamətə ötən ilkindən 305 milyon manat az vəsait ayrılıb. Proqramda diqqət çəkən maraqlı məqam odur ki, bu il Əzizbəyov-hava limanı yoluna vəsait ayrılmayıb. Məlumat üçün bildirək ki, həmin layihəyə dövlət büdcəsindən 6 ildə 360 milyon manat vəsait xərclənib.

Ölkədə iqtisadi aktivliyin artması və daşınmaz əmlak bazarına nikbin əhval-ruhiyyənin mövcudluğu ehtimalının aşağı olması səbəbindən yaxın bir neçə ayda evlərin qiymətləri düşməkdə davam edəcək. Üstəgəl yay aylarında bir qayda olaraq daşınmaz əmlak bazarında aktivliyin aşağı düşməsi də qiymətləri ucuzlaşdıran amillərdəndir. Bu barədə qiymətləndirici-ekspert Rəşad Əliyev “İqtisadi forum” jurnalına açıqlamasında bildirib.

“İqtisadi forum” jurnalının internet saytında yerləşdirdiyi “Sizcə, Azərbaycanda fəaliyyət göstərən bankların optimal sayı nə qədər olmalıdır?” məzmunlu sorğusunda iştirak edən 34 respondentin 23-ü bankların mövcud sayının azaldılması fikrini dəstəklədiyini bildirib.

Ölkədə bununla bağlı narahatlıqlar var

ABŞ prezidenti Barak Obama bildirib ki, səhiyyə sistemində islahatların aparılması sığorta sistemində stabilliyi təmin edəcək və sığorta ödənişlərində boşluqlardan qaçmağa insanlara kömək edəcək. “İqtisadi forum” jurnalının məlumatına görə, sentyabrın 12-də bu barədə ABŞ-ın Maliyyə Nazirliyi açıqlama verib.

Rövşən AĞAYEV, İTYİB-nin sədr müavini

Ali məktəblərə builki qəbul imtahanlarının nəticələri Təhsil Nazirliyi və Tələbə Qəbulu üzrə Dövlət Komissiyası arasında uzun zamandan bəri hökm sürən pərdəarxası çəkişmələrin daha da sərtləşməsilə yadda qaldı. İndi qarşılıqlı ittihamlar mətbuat vasitəsilə açıq səsləndirilir: TQDK abituriyentlərin testdə nümayiş etdirdikləri zəif nəticələri orta təhsilin bərbad vəziyyətdə olması, Təhsil Nazirliyi test suallarının bilərəkdən qəlizləşdirilməsilə əlaqələndirir.

Azərbaycanda sərnişindaşıma sektoru böyük qanunsuzluqların əsirinə çevrilib. Hər şey avtobuslardan başladı: qısa müddətdə «mədəni xidmət» devizi ilə ayrı-ayrı şəxslərə məxsus kiçik və orta ölçülü avtobuslar paytaxtın küçələrindən kütləvi şəkildə yığışdırıldı, Koreya istehsalı olan iritutmlu avtobuslar sürətlə onları əvəzlədi. Axır 3-4 ildə dövlətin pulu hesabına alınıb, şəxsi biznesə çalışan belə avtobusların sayı 1500-ə çatır. Artıq Bakıda avtobus xidmətləri məmur-sahibkarların inhisarına alınması prosesi baş çatıb. İndi növbə taksilərindi …    

Neftə əsaslanan inkişaf

Neft Fondundan dövlət büdcəsinə transfertlərin məbləği ildən-ilə artdıqca büdcə gəlirlərinin formalaşmasında Fondun payı da yüksələn xətlə artır. Dövlət büdcəsinin gəlirlərində Fondun transfertlərinin xüsusi çəkisi 2004-cü ildə 8.8 faiz, 2005-ci ildə 7.3 faiz, 2006-cı ildə 15.1 faiz, 2007-ci ildə 9.7 faiz olduğu halda, 2008-ci ildə artıq 35.3 faiz həddində olmuşdur. 2009-cu ildə isə büdcə gəlirlərinin həcminin 50 faizindən çoxunun məhz Fondun transferti hesabına formalaşması gözlənilir.