Hökumət Rusiya Federasiyasının Azərbaycandakı səfirinin iqamətgahının yerləşdirilməsi məqsədilə Əmlak Məsələləri Dövlət Komitəsinə 4,5 milyon manat məbləğində vəsait ayırıb. “İqtisadi forum” jurnalının məlumatına görə, bu barədə budget.az saytı Nazırlər Kabinetinə istinadən xəbər verir.

Azərbaycanın xarici ölkələrdə fəaliyyət göstərən diplomatik nümayəndəlikləri arasından ən çox maaşı Yaponiyada, ən az maaşı isə Orta Asiya ölkələrində çalışan səfirlərimiz alır. "İqtisadi forum" jurnalının məlumatına görə, budget.az saytı bu barədə prezidentin müvafiq sərəncamına istinadən məlumat verir.

Azər Mehtiyev: "Qanunvericiliyə büdcə işində gender yanaşmasının tətbiqi ilə bağlı müddəalar əlavə etmək olar" (davamı)

İqtisadi Təşəbbüslərə Yardım İctimai Birliyinin rəhbəri, Milli Büdcə Qrupu İH üzvü Azər Mehtiyev Azərbaycanda gender siyasətini qiymətləndirir. Gender büdcəsinin tətbiqi, dünyada bu prosesin həyata keçirilmə təcrübəsindən danışır. Yürüdülən gender siyasətinin beynəlxalq səviyyədə qiymətləndirilməsinin nəticələrini açıqlayır.

Milli Məclis 2011-ci ilin dövlət büdcəsinə dəyişik edəcək

"İqtisadi forum" jurnalının Maliyyə Nazirliyinin rəsmi saytına istinadən verdiyi məlumata görə, mayın 17-də 2011-ci ilin dövlət büdcəsinə dəyişiklikləri nəzərdə tutan qаnun lаyihəsi Milli Məclisinin müzакirəsinə təqdim еdilib.

“İqtisadi forum” jurnalının Maliyyə Nazirliyinə istinadən verdiyi məlumata görə, Nazirlər Kabineti 2012-ci il dövlət büdcəsi layihəsinin, ölkənin iqtisadi və sosial inkişaf konsepsiyasının və proqnoz göstəricilərinin hazırlanması barədə sərəncam qəbul edib.

Dövlət Neft Fondunun icraçı direktoru Şahmar Mövsümov fondun büdcəsini açıqlayıb. İcraçı direktor 2011-ci ilin dövlət büdcəsinin müzakirəsi zamanı çıxış edərkən bildirib ki, Neft Fonduna indiyədək 40 milyard dollar vəsait daxil olub. İndiyədək bu vəsaitlərin 20 milyard dolları xərclənib. Ş.Mövsumov bildirib ki, fonddan xərclənən vəsaitin böyük bir hissəsi dövlət büdcəsinə transfertlərdir. Bundan başqa, fond bir sıra mühüm layihələri maliyyələşdirir: “Layihələr seçildiyi zaman onların Azərbaycan və region üçün əhəmiyyətli olması əsas götürülür”. Qeyd edək ki, Neft Fondu hazırda 5 əsas layihənin maliyyələşməsini həyata keçirir.

Büdcə Məcəlləsinə edilmiş yeni dəyişiklik nəticəsində qadağa daha 3 il uzadıldı

Rusiya prezidenti Dmitriy Medvedyev oktyabrın 2-də Büdcə Məcəlləsinə dəyişik barədə qanun imzalayıb. “İqtisadi forum” jurnalının məlumatına görə, düzəlişlər büdcə xərclərinin təsnifatının təkmilləşdirilməsini, federal büdcənin neft-qaz gəlirlərinin istifadəsinə dair bir sıra normaların dayandırılması müddətinin uzadılması daxildir.

"İqtisadi forum" jurnalının məlumatına görə, bu günlərdə 2011-ci ilin dövlət büdcəsi layihəsi Milli Məclisə təqdim edilib. Layihədə 2011-ci ilin dövlət büdcəsinin gəlirlərini 12.061.000 min manat, xərclərini 12.748.000 min manat (o cümlədən, mərkəzləşdirilmiş gəlirləri 11.613.958,2 min manat, yerli gəlirləri 447.041,8 min manat və mərkəzləşdirilmiş xərcləri 11.440.460,0 min manat, yerli xərcləri 1.307.540,0 min manat) məbləğində təsdiq etmək nəzərdə tutulur.

2008-ci illə müqayisədə ötən il ÜDM 9,3% artaraq 3,46 milyard manata, qeyri-neft sektoru üzrə isə 3,2% artaraq 15,7 milyard manata çatıb. Adambaşına duşən ÜDM 7,9% artaraq 3917,3 manat, ölkədə orta aylıq əmək haqqı 8,6% artaraq 298 manat, əhalinin adambaşına duşən gəlirləri 6,7% artaraq 2537,2 manat təşkil etmiş, vergi və digər icbari ödənişlər çıxıldıqdan sonra əhalinin sərəncamında qalan vəsait 8,7% artıb.

2009-cu ildə büdcə kəsirinin ÜDM-də payı 2006-cı il səviyyəsinə qalxmaqla son 10 ildə ən yüksək həddə çatıb. 1999-cu ildə büdcə kəsirinin ÜDM-də payı 2,4%-ə bərabər olub. Ötən il isə bu göstərici 0,7% təşkil edib.

2009-cu ilin dövlət büdcəsinin gəlir və xərclərinin icrasının 81-83% həddində gözlənilməsinə baxmayaraq büdcənin müdafiə olunan xərc maddələri ixtisar olunmayacaq. Milli Büdcə Qrupunun üzvü, İqtisadi Təşəbbüslərə Yardım İctimai Birliyinin sədri Azər Mehtiyev “İqtisadi forum” jurnalına verdiyi məlumata görə, bu barədə Maliyyə nazirliyi rəsmi məktub göndərib.

2010-cu ilin dövlət büdcəsindən Kütləvi İnformasiya Vasitələrinin İnkişafına Dövlət Dəstəyi Fonduna təxminən 2 milyon manat ayrılacaq ki, bu da ötən illə müqayisədə 2 dəfə çoxdur. Bu barədə “İqtisadi forum” jurnalı 2010-cu ilin büdcə layihəsində istinadən xəbər verir.

2009-cu ilin 9 ayında dövlət büdcəsindən 6456,9 milyon manat xərclənib ki, bu da proqnozlaşdırılan məbləğdən 1437,2 milyon manat azdır. Ümumilikdə xərc maddələrinin icrasında 18,2% kəsir olub. Bu barədə “İqtisadi forum” jurnalı Maliyyə Nazirliyinə istinadən məlumat verir.

2009-cu ilin 9 ayında dövlət büdcəsinə 7235,1 milyon manat daxil olub ki, bu da proqnozdan 635 milyon manat azdır. Hesabar ilində büdcə gəlirləri 91,9% icra olunub. Bu barədə “İqtisadi forum” jurnalı Maliyyə Nazirliyinə istinadən məlumat verir.

2009-cu ilin dövlət büdcəsinin bütün istiqamətlərdə xərc maddələrinin ixtisarı gözlənilir. “İqtisadi forum” jurnalının məlumatına görə,bu barədə 2010-cu ilin büdcə layihəsi zərfində qeyd olunur.

Mənfəət vergisi üzrə daxilolmalar yarıbayarı azalıb

2009-cu ilin büdcə gəlirlərində əsas mənbələri üzrə daxilolmalar kəsirlə icra olunacaq. Mənfəət vergisi üzrə daxilolmaların isə 2 dəfə azalması gözlənilir. “İqtisadi forum” jurnalının məlumatına görə,bu barədə 2010-cu ilin büdcə layihəsi zərfində qeyd olunur.

2009-cu ilin büdcə gəlirləri 20,3%, xərcləri isə 18,9% kəsirlə icra olunancaq. Bu barədə “İqtisadi forum” jurnalı 2010-cu ilin büdcə layihəsi zərfinə istinadən xəbər verir.

2010-cu ilin büdcə xərcləri layihəsində bir sıra xərc maddələrinini, o cümlədən təhsil və səhiyyə xərclərinin azalmasına baxmayaraq dövlət xidməti və hüquq-mühafizə orqanlarına ayrılan vəsaitlər artırılıb. Bu barədə İqtisadi Təşəbbüslərə Yardım İctimai Birliyinin ekspertləri “İqtisadi forum” jurnalına açıqlamasında bildirib. 

2010-cu ilin büdcə gəlirlərində əsas vergi mənbələri üzrə daxilolmalar azalıb. “İqtisadi forum” jurnalına açıqlamasında İqtisadi Təşəbbüslərə Yardım İctimai Birliyinin ekspertləri bu azalma qlobal maliyyə böhranının ölkə iqtisadiyyatına təsiri ilə əlaqələndirirlər.

Növbəti ilin dövlət büdcəsinin gəlirlərinin 2,2 milyard manat azalması, büdcə kəsirinin isə 7 dəfə artaraq 1 milyard manatı ötməsi ölkə iqtisadiyyatının neftdən asılı olması haqda fikirləri bir daha təsdiq edir. Bu barədə İqtisadi Təşəbbüslərə Yardım İctimai Birliyinin ekspertləri “İqtisadi forum” jurnalına açıqlamasında bildirib.

Rövşən Ağayev: «Özəlləşmədən və dövlət istiqrazlarının satışından proqnozlaşdırılan gəlir real deyil»

Son beş ildə ilk dəfə olaraq Azərbaycanın dövlət büdcəsində kəskin azalma baş verir. İqtisadçı ekspert Rövşən Ağayev bu fikirdədir.

Azərbaycanda sərnişindaşıma sektoru böyük qanunsuzluqların əsirinə çevrilib. Hər şey avtobuslardan başladı: qısa müddətdə «mədəni xidmət» devizi ilə ayrı-ayrı şəxslərə məxsus kiçik və orta ölçülü avtobuslar paytaxtın küçələrindən kütləvi şəkildə yığışdırıldı, Koreya istehsalı olan iritutmlu avtobuslar sürətlə onları əvəzlədi. Axır 3-4 ildə dövlətin pulu hesabına alınıb, şəxsi biznesə çalışan belə avtobusların sayı 1500-ə çatır. Artıq Bakıda avtobus xidmətləri məmur-sahibkarların inhisarına alınması prosesi baş çatıb. İndi növbə taksilərindi …    

Neftə əsaslanan inkişaf

Neft Fondundan dövlət büdcəsinə transfertlərin məbləği ildən-ilə artdıqca büdcə gəlirlərinin formalaşmasında Fondun payı da yüksələn xətlə artır. Dövlət büdcəsinin gəlirlərində Fondun transfertlərinin xüsusi çəkisi 2004-cü ildə 8.8 faiz, 2005-ci ildə 7.3 faiz, 2006-cı ildə 15.1 faiz, 2007-ci ildə 9.7 faiz olduğu halda, 2008-ci ildə artıq 35.3 faiz həddində olmuşdur. 2009-cu ildə isə büdcə gəlirlərinin həcminin 50 faizindən çoxunun məhz Fondun transferti hesabına formalaşması gözlənilir.