Torpaq hərracı barədə elanlar “Torpaq” qəzetində veriləcək
|
 Dövlət Torpaq və Xəritəçəkmə Komitəsi aparatının rəhbəri Rafiq Süleymanov açıqlamasında deyib ki, artıq qəzetin ölkə ərazisində yayımını təşkil etmək “Qasid”lə müqavilə bağlanıb. Bundan başqa, hərraclar barədə elanlar komitənin internet saytında (www.dtxk.gov.az) da mütəmadi olaraq yerləşdiriləcək. Onun sözlərinə görə, hərracların keçirilməsi kütləvi tədbir olduğundan elanların və məlumatların ictimaiyyətə çatdırılmasına xüsusi diqqət yetiriləcək.
Bununla belə, həmin elan və məlumatların televiziyalarda, ölkənin ən çox oxunan, tirajlı media vasitələrində yayımının təşkili nəzərdə tutulmur. Rafiq Süleymanov bunu yayım xərclərinin çox olması ilə əlaqələndirir: “Biz bu məsələni çox ölçüb-biçmişik. Qəzetlərdə, televiziyalarda və başqa KİV-lərdə elanların verilməsi çoxlu vəsait tələb edir. Ona görə də komitə özünün qəzetini təsis etdi ki, daha az xərclərlə hərraclar barədə elanları kütləvi şəkildə yaya bilək”.
Bir gerçəklikdə var ki, rəsmi qurumların təsis etdiyi qəzetlər spesifik sahəyə aid olduğundan geniş ictimaiyyəti maraqlandırmır. Bu səbəbdən “Torpaq” qəzetindəki elanların geniş oxucu dairəsi üçün əlçatanlığı şübhə doğurur. Ancaq Rafiq Süleymanov hesab edir ki, Dövlət Torpaq və Xəritəçəkmə Komitəsinin elan və bildirişləri “Torpaq” qəzetində dərc etdirməyə məcburdur. Onun sözlərinə görə, komitə yeni torpaq siyasəti ilə bağlı təbliğat-izahat kampaniyası da aparmalıdır və bunun üçün qurumun özünün qəzetinin olması vacibdir: “Bizim elan və bildirişlərdən başqa torpaq bazarı ilə bağlı bülletenlərimiz də olur. Elan və bildirişlərimiz isə kütləvi şəkildə yayılmalıdır. Ona görə də qəzetin olması çox vacibdir. Biz bu məsələni Prezident Aparatı və aidiyyatı orqanlarla razılaşdırmışıq. Çünki elə ola bilər ki. Bir ayda 100-200 hərrac keçirilsin. Bu elanları ödənişli şərtlərlə mətbuatda yayımlamaq bizə baha başa gələr”.
Komitə rəsmisi vurğulayıb ki, bildirişlər qəzetdə çox yer tutmasın deyə, cədvəl formasında yerləşdiriləcək. Onun sözlərinə görə, komitədə hərraclarla bağlı “qaynar xətt” də yaradılıb və vətəndaşlar onları maraqlandıran sualları maraqlandıran suallara cavab ala biləcəklər.
“Ancaq işin həcmindən asılı olaraq, televiziyaların, qəzetlərin və internet saytlarının da imkanlarından istifadə edəcəyik. “Torpaq” qəzeti vasitələrdən biridir. Elə bələdiyyələr var ki, artıq həmin qəzetə abunə yazılmağa başlayıb. Yəni qəzetə maraq çox böyükdür. Lakin ehtiyac olsa, başqa KİV-lə də bu sahədə əməkdaşlıq edəcəyik” - deyə, Rafiq Süleymanov əlavə edib”. |
| Tarix: 26 Mart 2009 | Baxış sayı: 556 |
|
1 USD
1 EUR
1 RUB
1 GBP
100 JPY
