Gələn il dövlət büdcəsindən xarici ölkələrdə fəaliyyət göstərən səfirliklərin, konsulluqların və başqa diplomatik nümayəndəliklərin saxlanılmasına təxminən 51 milyon manat ayrılması planlaşdırılır ki, bu da 2009-cu illə müqayisədə 20,7% çoxdur. Bu barədə “İqtisadi forum” jurnalı 2010-cu ilin büdcə layihəsində istinadən xəbər verir.
Milli Məclis 2010-cu ilin büdcə layihəsini olduğu kimi qəbul edərsə, növbəti il xarici ölkələrdə fəaliyyət göstərən səfirliklərin, konsulluqların və başqa diplomatik nümayəndəliklərin saxlanılmasına 50,98 milyon manat vəsait ayrılacaq. 2009-cu ildə bu istiqamətdə 42,25 milyon manat ayrılması nəzərdə tutulub. Ötən illə müqayisədə artım 20,7% olub.
2008-ci ildə səfirlik və konsulluğun saxlanılmasına 45,70 milyon manat ayrılıb. Ancaq 2009-cu ildə bu vəsait 7,6% azaldılaraq 42,25 milyona endirilmişdi.
Səfirlik və konsulluqlara ayrılan vəsaitin 39%-i və ya 19,9 milyon manatı işçilərin əməyinin ödənişinə yönəldiləcək. Ötən illə müqayisədə əmək haqlarına ayrılan vəsait 21,9% artıb. İdarənin saxlanmasına 1 milyon, ezamiyyə xərclərinə 2,6 milyon manat ayrılacaq ki, bu da uygun olaraq ümumi xərclərin 2% və 5%-ni təşkil edir.
1 USD
1 EUR
1 RUB
1 GBP
100 JPY
