2010-cu ildə kitabxanalara ayrılacaq 24,7 milyon manatlıq vəsaitin  0,8%-i və ya 0,19 milyon manatı Səhiyyə Nazirliyinin, 0,6%-i və ya 0,15 milyon manatı Təhsil Nazirliyinin, 84,4%-i və ya 20,9 milyon manatı Mədəniyyət və Turizm Nazirliyinin, 0,5%-i və ya 0,13 milyon manatı Kənd Təsərrüfatı Nazirliyinin nəzdində olan kitabxanalara yönəldiləcək. Bundan başqa Standartlaşdırma, Metrologiya və Patent üzrə Dövlət Komitəsinin kitabxanasına büdcədən 0,3 milyon manat və ya ümumi xərclərin 1,3%-i həcmində pul çatacaq. M.F.Axundov adına Milli Kitabxanaya 3,1 milyon manat ayrılacaq ki, bu da cəmi xərclərin 12,5%-i qədərdir.

2009-cu ilin proqnozu iə müqayisədə M.F.Axundov adına Milli Kitabxanaya ayrılan vəsait 36,6% artırılıb. Təhsil və Kənd Təsərrüfatı nazirliklərinin nəzdində olan kitabxanaların maliyyələşməsi uyğun olaraq 21,5% və 12,6% çoxaldılıb. Mədəniyyət və Turizm Nazirliyinin və Patent üzrə Dövlət Komitəsinin nəzdində olan kitabxanaların pulları isə müvafiq olaraq 1,2% və 1% azaldılıb.

Kitabxanalara ayrılan vəsaitin 66,7%-i işçilərin əməyinin ödənişinə xərclənəcək. Bu istiqamətə 16,6 milyon manat ayrılacaq. Ötən illə müqayisədə əmək haqlarına ayrılan vəsait 1% azalıb.

Dövlət qurumlarının nəzdində olan kitabxanalara ayrılan vəsaitdə işçilərin əməyinin ödənişinə ayrılan vəsaitini xüsüsi çəkisi 40-80% civarındadır. Standartlaşdırma, Metrologiya və Patent üzrə Dövlət Komitəsinin kitabxanalarına ayrılan vəsaitin 80%-i əmək haqqına xərclənir. Bu göstərici

Səhiyyə Nazirliyində 72,6%-ə, Təhsil Nazirliyində 64,1%, Mədəniyyət və Turizm Nazirliyində 70,1%-ə, Kənd Təsərrüfatı Nazirliyində 55,1%-ə çatır. M.F.Axundov adına Milli Kitabxanada əmək haqqına ümumi xərclərin 44,1%-i yönəldiləcək.

İdarənin saxlanmasına 1,7 milyon, ezamiyyə xərclərinə 0,3 milyon manat ayrılacaq ki, bu da uyğun olaraq ümumi xərclərin 6,7% və 1,2%-ni təşkil edir. 2009-cu ilin proqnozu ilə müqayisədə idarənin saxlanması xərcləri 16,5% artsa da, ezamiyyə xərcləri 0,1% azalıb.