Dünya iqtisadi böhranı bitməsə də maliyyə sisteminin bəzi antiböhran tədbirlərindən imtina etməyin vaxtı çatıb. “İqtisadi forum” jurnalının Associated Press agentliyinə istinadən verdiyi məlumata görə, bu barədə Avropa Mərkəzi Bankının rəhbəri Jan-Klod Trişe açıqlama verib.
Ötən həftə Frankfurtda keçirilən Avropa Bank konqresində çıxışı zamanı Trişe maliyyə sistemini sağalmaqda olan xəstə ilə müqayisə edib və bildirib ki, hazırda ona az dərman lazımdır.
Trişe qeyd edib ki, AMB inflyasiya təhlükəsini azaltmaq məqsədilə likvidliyin təminatı üçün həyata keçirtdiyi bir sıra “təxirəsalınmaz tədbirlər”i tezliklə dayandırmalı olacaq. Mərkəzi Bankın dekabrın 3-də keçiriləcək yığıncağında yeni strategiyanın detallarını təqdim edəcəyi gözlənilir.
Bank rəhbərinin sözlərinə görə, maliyyə institutları öz səhvlərindən nəticə çıxarmalıdırlar və unutmamalıdırlar ki, onların prioritet vəzifəsi real sektora xidmət göstərməkdir. “Avropa vergiödəyiciləri “yanmış” bankların xilası məqsədilə dövlətin növbəti dəfə müdaxiləsinə dözümlü yanaşmayacaqlar” – Trişe əlavə edib.
AMB rəhbərinin sözlərinə görə, stimullaşdırıcı iqtisadi kursdan imtina müəyyən formada dövlət büdcəsində əks olunmalıdır. Trişe Avrozonanın 16 ölkəsini 2011-ci ildə büdcə kəsirini azaltmağa çağırdı.
1 USD
1 EUR
1 RUB
1 GBP
100 JPY
