Dünya Bankı: 2009-cu ildə ərzaq məhsulları 17% ucuzlaşıb
2009-cu ildə ərzaq məhsulları enerjidaşıyıcıları və metallarla müqayisədə daha az artıb. “İqtisadi forum” jurnalının məlumatına görə, Dünya Bankı bununla bağlı hesabat yayıb.
Hesabata görə, 2008-ci illə müqayisədə 2009-cu ildə dünya üzrə ərzağın qiyməti 17,1% düşüb. Halbuki bu dövrdə enerjidaşıyıcıları 37,3%, metallar isə 27,7% ucuzlaşıb.
Ötən il kömürün dünya qiyməti 43,5%, neft 36,3%, təbii qaz isə 42,7% dəyərdən düşüb. Bundan başqa bitki yağları 22%, taxıl 23,7%, ət, balıq, meyvə və şəkər orta hesabla 11,7% ucuzlaşıb. Ancaq Bankın məlumatlarına görə, təkcə şəkərin qiyməti 41,5% artıb.
2009-cu ildə dünya bazarlarında ərzaq, enerjidaşıyıcıları və metalın ucuzlaşmasına baxmayaraq təbii mənşəli içkilərin (çay, kofe, kakao) qiyməti artıb. Yola saldığımız ildə çay orta hesabla 12,6%, kakao 12% bahalaşıb. “Arabica” sortlu kofe 3% bahalaşsa da “Robusta” sortlu kofe əksinə 29% ucuzlaşıb.
Qeyd edək ki, mettalların içində 2009-cu ildə ancaq əlvan metallar (mis, alüminium, mikel, sink, qurğuşun və qalay) və polad ucuzlaşıb. Ancaq qiymətli metallar isə bahalaşıb. Məsələn, ötən il dünya bazarında qızıl 11,6% bahalaşıb.
1 USD
1 EUR
1 RUB
1 GBP
100 JPY
2009-cu ildə ərzaq məhsulları enerjidaşıyıcıları və metallarla müqayisədə daha az artıb. “İqtisadi forum” jurnalının məlumatına görə, Dünya Bankı bununla bağlı hesabat yayıb.
