2009-cu ildə ölkə xaricinə ixrac olunan məhsullarda dövlətin payı 93,6% təşkil edib. “İqtisadi forum” jurnalının Dövlət Gömrük Komitəsinə istinadən verdiyi məlumata görə, dövlətin xətti ilə 13,76 milyard dollarlıq ixrac əməliyyatları həyata keçirilib.
Komitənin məlumatına görə, ötən il xarici ticarətlə 9 min 261 hüquqi və fiziki şəxs məşğul olub. Bunlardan 4 min 87-i hüquqi, 5 min 174-i isə fiziki şəxslərdir.
İxrac əməliyyatlarının 13 milyard 760 milyon 56,8 min dolları dövlət sektoru, 779 milyon 497,9 min dolları özəl sektor, 158 milyon 941,9 min dolları isə fiziki şəxslər tərəfindən həyata keçirilib. Cəmi ixracda bu sektorların payı uyğun olaraq 93,6%, 5,3% və 1,1% təşkil edib.
İdxal əməliyyatlarında isə özəl sektorun payı yüksək olub. Ölkəyə gətirilən malların 3 milyard 793 milyon 489,7 min dolları və ya 61,99%-i özəl sektorun payına düşüb. Dövlət sektorunun payı 33,08%, fiziki şəxslərin payı isə 4,93% təşkil edib. Dövlətin xətti ilə 2 milyard 24 milyon 613,9 min, fiziki şəxs tərəfindən 301 milyon 621,2 min dollar həcmində mal gətirilib.
1 USD
1 EUR
1 RUB
1 GBP
100 JPY
2009-cu ildə ölkə xaricinə ixrac olunan məhsullarda dövlətin payı 93,6% təşkil edib. “İqtisadi forum” jurnalının Dövlət Gömrük Komitəsinə istinadən verdiyi məlumata görə, dövlətin xətti ilə 13,76 milyard dollarlıq ixrac əməliyyatları həyata keçirilib.
