İlin ilk ayında ölkə xaricinə ixrac olunan məhsullarda dövlətin payı 95,84% təşkil edib. “İqtisadi forum” jurnalının Dövlət Gömrük Komitəsinə istinadən verdiyi məlumata görə, ötən ilin yanvarında bu ümumi ixracda dövlətin payı 94,11%-ə bərabər olub.
Komitənin məlumatına görə, yanvarda xarici ticarətlə 1 min 874 hüquqi və fiziki şəxs məşğul olub. Bunlardan 1 min 331-i hüquqi, 543-ü isə fiziki şəxslərdir. Halbuki ötən ilin müvafiq dövründə bu nisbət 1522 və 1071 təşkil edib.
2009-cu ilin yanvar ayı ilə müqayisədə dövlətin payı 2 dəfəyədək artıb. Bu il ixrac əməliyyatlarının 1 milyard 368 milyon 590,7 min dolları dövlət sektoru vasitəsilə aparılıb. Ancaq ötən il dövlətin payı 641 milyon 345,9 min dollar təşkil edib. Cəmi ixracda dövlətin payı 95,84%-ə bərabər olub.
Əməliyyatların 53 milyon 452,7 min dolları özəl sektor, 6 milyon 33,9 min dolları isə fiziki şəxslər tərəfindən həyata keçirilib. Bu sektorların payı uyğun olaraq 3,74% və 0,42% təşkil edib.
İdxal əməliyyatlarının 120,37 milyon dolları dövlət sektoru, 220,53 milyon dollar özəl sektor, 22,91 milyon dolları isə fiziki şəxslər tərəfindən həyata keçirilib. Cəmi idxalda bu sektorların payı uyğun olaraq 33,09%, 60,61% və 6,3% təşkil edib.
1 USD
1 EUR
1 RUB
1 GBP
100 JPY
İlin ilk ayında ölkə xaricinə ixrac olunan məhsullarda dövlətin payı 95,84% təşkil edib. “İqtisadi forum” jurnalının Dövlət Gömrük Komitəsinə istinadən verdiyi məlumata görə, ötən ilin yanvarında bu ümumi ixracda dövlətin payı 94,11%-ə bərabər olub.
