Hazırda 1 milyon 308 min 432 nəfər əmək pensiyası alır
Bu ilin yanvarın 1-nə olan məlumata görə, Azərbaycanda əmək pensiyası alan şəxslərin sayı 2009-cu ilin əvvəli ilə müqayisədə 33 min 294 nəfər artaraq (2,6 faiz) 1 milyon 308 min 432 nəfərə çatıb. “İqtisadi forum” jurnalının məlumatına görə, bu barədə Dövlət Sosial Müdafiə Fondu açıqlama verib.
Fondun məlumatına görə, əmək pensiyaçılarının 39,4 faizi kişi, 60,6 faizi isə qadınlardır. Əmək pensiyaçıları arasına kişi və qadınların sayı müvafiq olaraq 516 min 142 nəfər və 792 min 290 nəfər təşkil edir.
İlin əvvəlinə dövlət qulluqçusu kimi pensiya alanların sayı 10 min 112 nəfər təşkil edib.
Ümumilikdə əmək pensiyaçılarının 133 min 881 nəfəri işləyən pensiyaçılar, 37 min 481 nəfər güzəştli şərtlərlə əmək pensiyası hüququ olan şəxslərdir.
Əlilliyə görə əmək pensiyası alan şəxslərin sayı 311 min 849 nəfər, ailə başçısını itirməyə görə əmək pensiyası alan şəxslərin sayı isə 137 min 924 nəfərdir.
Əmək pensiyalarının orta aylıq məbləği isə 2009-cu ilin əvvəlinə nisbətən 5,3 faiz artaraq ilin sonuna 100,4 manat olub.
1 USD
1 EUR
1 RUB
1 GBP
100 JPY
