“Doinq biznes 2010” hesabatında Azərbaycanı 38-ci yerdədir

Qloba iqtisadi böhran görünür, bir çox ölkələri iqtisadi sistemdə, o cümlədən sahibkarlıq fəaliyyətində islahatlar aparmağa sövq edib. Belə ki, 2008-2009-cu illərdə 131 ölkədə 287 islahat qeydə alınıb ki, bu da ötən illə müqayisədə 20% çoxdur. Ümumilikdə götürdükdə isə bu göstərici hesabatın dərc olunduğu 2004-cü ildən bəri ən yüksək həddir. “İqtisadi forum” jurnalının məlumatına görə, bu barədə “Doinq biznes 2010” hesabatında açıqlanır.

Dünya Bankı və Beynəlxalq Maliyyə Korporasiyasının hər il hazırladığı hesabata görə, 2008-2009-cu illərdə record sayda - 131 ölkədə biznesin nizamlanması sahəsində islahatlar həyata keçirilib. Bu islahatların əsas vəzifəsi müəssisələri yaradılması prosedurlarının və biznesə girişin sadələşdirilməsi, mülkiyyət hüquqlarının möhkəmlənməsi, kommersiya xarakterli mübahisələrin tənzimlənməsi prosedurlarının təkmilləşdirilməsi və müflisləşmə prosedurlarının sovuşması olub.  Maraqlısı odur ki, bu nəticə məhz qlobal iqtisadi böhran şəraitində baş verib.

Bu hesabatda Azərbaycanın mövqesində dəyişiklik olmayıb və 38-ci pillədə qalıb. Əvəzində qonşu Gürcüstan ilk onluğa düşə bilməsə də, ötən ilki 16-cı yerdən 11-ci yerə yüksəlib. Keçmiş sovet respublikalarından Baltikyanı ölkələr də Azərbaycanı qabaqlayır. Estoniya 24, Litva 26, Latviya 27-ci mövqedədir.

“İqtisadi forum” jurnalının məlumatına görə, 183 ölkə üzrə aparılan hesabatda Sinqapur, Yeni Zelandiya, Honkonq və Birləşmiş Ştatlar yenə də liderliklərini qoruyub saxlayıb. Sinqapur artıq 4-cü ildir ki, sahibkarlıq fəaliyyəti ilə məşğul olmaq üçün ən ideal ölkə hesab edilir.

MDB ölkələri arasında ən yüksək nəticə Gürcüstana məxsusdur. Keçmiş SSRİ məkanında bu il ən islahatçı ölkə isə Qırğızıstan olub. Qırğızıstan 80-cı yerdən 41-ci yerə kimi yüksəlib. Belorus 82-dən 56-ya, Moldova 108-dən 94-ə, Ermənistan isə 50-dən 43-ə yüksəlib.

Siyahını Konqo və Mərkəzi Afrika Respublikası tamamlayır.

Saməddin