Rusiya Bankı apardığı tədqiqat nəticəsində belə qərara gəlib ki, məlumatların açıqlanması üzrə 70 milyard dollardan çox ehtiyatları idarə edən 21 Mərkəzi Bank (Yaponiya, ABŞ və Britaniya istisna olmaqla) arasında ən yaxşısıdır. Bank 22 mümkün balda 17 bal toplayıb. “İqtisadi forum” jurnalının məlumatına görə, bu barədə Rusiya Bankı xəbər verir.

Norveç və Polşanın Mərkəzi Bankları 16 bal toplayıb. Məlumatların açıqlanması üzrə indeks 11 göstərici üzrə hesablanıb. Bura ehtiyatların valyuta strukturu, gəlirlilik, risklər, coğrafi bölgü, qızılın payı və s. daxildir.

Bank Mərkəzi Bankları 4 qrupa bölüb. I qrupa ən açıq banklar (Rusiya, Honq-Konq, İsveçrə, Polşa və Norveç) daxil edilib. Onlar ehtiyatların həcmi ilə yanaşı onların valyuta və ölkə strukturunu, yerləşdirilmə alətlərini, gəlirliliyini və necə idarə edildiyini açıqlayırlar. Məsələn, İsveçrənin Mərkəzi Bankı (ehtiyatları 90 milyard dollardan çoxdur) valyuta və faiz risklərindən sığortalanmanı göstərir.

Növbəti qrupa daxil olan banklar (Hindistan, Avstraliya, Avrozona və Cənubi Koreya) ehtiyat aktivlərinin və onların valyuta strukturunun həcminin dəyişməsini BVF-nin standartlarına uyğunlaşdırır. Məsələn, Hindistanın Mərkəzi Bankı ehtiyatları (255 milyard dollar) borcun səviyyəsi və idxalın həcmi ilə müqayisə edilir.

Üçüncü qrup banklar (Fransa, Almaniya, Braziliya, Tailand, Malayziya, Türkiyə və Sinqapur) BVF-nin məlumatların açıqlanması standartları çərçivəsini açan məlumatları konkret rəqəmlərsiz və göstəricilərsiz açıqlayırlar.

Ən qapalı Mərkəzi Banklar Əlcəzairə, Çinə, Meksikaya və Tayvana məxsusdur. Onlar yalnız ehtiyatların həcmini və hərdən də təfsilatsız valyuta strukturunu açıqlayırlar. Valyuta ehtiyatının həcminə görə lider olan Çin hətta bu ehtiyatın valyuta strukturunu gizli saxlayır.