Dünyada birjalarında Avroməkanın yaşadığı böhran fonunda avronun ucuzlaşması tendensiyası Azərbaycanda da müşahidə edilib. Ilin əvvəlində avronun manat nisbətən ucuzlaşması aprel ayında da davam edib. 4 ay ərzində avro 8,1% dəyərsizləşib. Bu isə o deməkdir ki, əlimizdəki hər 100 avro 4 ay ərzində dəyərini 9,3 manat itirib.

“İqtisadi forum” jurnalının Mərkəzi Bankın məlumatlarına istinadən verdiyi məlumata görə, aprel ayında Avropa valyutası manata nisbətən 1,1% ucuzlaşıb. Ötən ay ərzində 1 avro 1,0759-dan 1,0641 manata kimi ucuzlaşıb. Bununla da Avropa valyutasının ölkəmizdə kursu 2009-cu ilin may ayındakı səviyyəyə düşüb.

2010-cu ilin 4 ayı ərzində manat avroya nisbətən 8,1% bahalaşıb. İlin əvvəlində 1 avronun məzənnəsi 1,1575 manatdan aprelin sonuna 1,0641 manata kimi ucuzlaşıb.Bu o deməkdir ki, yanvar-aprel ayları ərzində hər 100 avroya görə 9,3 manat itirmişik.

Əvvəlki aylarda olduğu kimi ötən ay da manatın ABŞ dollarına məzənnəsi sabit – 0,8034 səviyyəsində qalıb. Cari ildə 1 ABŞ dolları 0,8029 manatdan 0,8034 manata yüksəlib.

Manat Britaniya funt sterlinqinə nisbətən ucuzlaşıb. Aprel ayı ərzində manat bu valyutaya nisbətən 1,9% dəyərini itirib. Ötən ayı 1 funt 1,2102-dən 1,2327 manata kimi bahalaşıb. Bu il isə ümumilikdə manat Britaniya puluna nisbətən 4,5% bahalaşıb. 4 ayda 1 funt məzənnəsi 1,2911 manatdan 1,2327 manata kimi düşüb.

Martda Yapon iyenası da manata nisbətən ucuzlaşan valyutalar sırasında olub. Ötən ay “gündoğar” ölkənin valyutası 0,5% ucuzlaşıb. Bu müddətdə 100 Yapon iyenası 0,8588 manatdan 0,8544 manata enib. 2010-cu ildə isə 2,4% ucuzlaşıb.