Mart ayında sənaye məhsullarının istehsalçı qiymətləri əvvəlki aya nisbətən 0,1 faiz bahalaşıb. Ay ərzində mədənçıxarma sənayesində xam neft və təbii qaz hasilatı üzrə qiymətlər 0,4 faiz artsa da, digər sahələr üzrə qiymətlər 0,4 faiz azalıb. “İqtisadi forum” jurnalının məlumatına görə, bu barədə Dövlət Statistika Komitəsi xəbər verib.
Emal sənayesində istehsalçı qiymətləri poliqrafiya fəaliyyəti və yazılmış məlumatların daşıyıcılara çoxaldılması üzrə 3,9 faiz, qida məhsullarının istehsalı üzrə 2,2 faiz, dəri məmulatları, ayaqqabıların istehsalı üzrə 0,6 faiz bahalaşıb.
Bundan başqa metallurgiya sənayesi və tütün məmulatlarının istehsalı üzrə bahalaşma 0,5 faiz, digər qeyri-metal mineral məhsulların istehsalı üzrə 0,1 faiz olub.
Kağız və karton istehsalı üzrə 21,1 faiz, toxuculuq sənayesi üzrə 11,4 faiz, maşın və avadanlıqlardan başqa hazır metal məmulatlarının istehsalı üzrə 9,2 faiz, ucuzlaşma qeydə alınıb.
Mebeldən başqa ağacın emalı və ağacdan məmulatların və tıxacın istehsalı üzrə 6,3 faiz, mebellərin istehsalı üzrə 2,1 faiz, rezin və plastmas məmulatların istehsalı üzrə 0,4 faiz, içki istehsalı, kimya sənayesi və geyim istehsalı sahələrinin hər biri üzrə qiymətlər 0,3 faiz ucuzlaşıb.
1 USD
1 EUR
1 RUB
1 GBP
100 JPY
