Ən bahalı icarə haqqı Londonda yerləşən elit ofislərə məxsusdur. “İqtisadi forum” jurnalının məlumatına görə, “CB Richard Ellis” konsaltinq şirkəti dünyada ən bahalı ofislərin yerləşdiyi şəhərlərin reytinqini tərtib edib.
Reytinqə başçılıq edən Londonun West End rayonunda yerləşən ofislərin hər kv.metrinin illik icarə haqqı 1969 dollar təşkil edir.
Reytinqə görə, icarə haqlarının bahalığına görə Honq Konq və Tokio növbəti yerləri bölüşür. Honq Konqda sahibkarlar ofisin hər kvadratmetrinə il ərzində 1649 dollar ödəməli olur. Tokionun Inner Central rayonunda isə bu göstərici 1549 dollara bərabərdir.
Cədvəlin dördüncüsü Mumbay şəhəridir. Burada icarə haqqı 1353 dollardır. Beşliyi tamamlayan Moskvada isə hər kv.m üçün 1346 dollar tələb olunur.
Ekspertlərin fikrincə, Avropa, Yaxın Şərq və Afrikada yerləşən ofislərin icarə haqlarının illik enişi 6,2% təşkil edib. Ən yüksək azalma (26,5%) isə Moskvada qeydə alınıb.
1 USD
1 EUR
1 RUB
1 GBP
100 JPY
