Futbol üzrə dünya çempionatının ən bahalı məşqçiləri
Rusiyanın “RİA Novosti” agentliyi ÇAP-da keçirilən futbol üzrə dünya çempionatında iştirak edən komandalara başçılıq edən məşqçilərin reytinqini tərtib edib. “İqtisadi forum” jurnalının məlumatına görə, reytinq cədvəli 32 ölkəni təmsil edən komandaların məşqçilərinin gəlirləri əsasında hazırlanıb.
Hazırda bu komandaların bir çoxu turniri tərk edib. Onlardan biri də ən bahalı məşqçi kimi reytinqə başçılıq edən İngiltərə yığmasını çalışdıran italyan əsilli Fabio Kapellodur. Onun illik gəliri 8,8 milyon avro təşkil edir. Kapello komandasını ancaq 1/8 finalına kimi apara bildi. İngiltərənin Almaniyaya (1:4) böyük hesabla məğlubiyyətindən sonra turniri tərk etməli oldular.
Almaniyanı çalışdıran İoahim Lev isə 2,5 milyon avro gəlirlə siyahıda üçüncü yeri tutub. 2006-cı ildə İtaliyaya dünya çempionu adını qazandırmış Marmello Lippinin illik gəliri 3 milyon avroya bərabər. Hazırda İtaliya komandasının sükanı arxasında durmuş Lippi reytinqdə ikinci yeri tutur.
Dünya çempionatının 32 finalçısı arasında ən az məvacib alan məşqçi Şimali Koreya və Nigeriya yığmasındadır. Şimali Koreyanın məşqçisi ildə 170 min avro qazanır. Onun Nigeriyadan olan həmkarı Şaybu Amodunun illik gəliri isə 130 min avroya bərabərdir.
Ümumilikdə məşqçilərin reytinq cədvəli aşağıdakı kimidir:
Fabio Kapello (İngiltərə) – 8,8 milyon avro
Marçello Lippi (İtaliya) – 3 milyon avro
İohim Löv (Almaniya) – 2,5 milyon avro
Bert van Marveyk (Hollandiya) – 1,8 milyon avro
Ottmar Hisfeld (İsveçrə) – 1,75 milyon avro
Vinsente Del Boske (İspaniya) – 1,5 milyon avro
Karluş Keyruş (Portuqaliya) – 1,35 milyon avro
Pim Verbeek (Avstraliya) – 1,2 milyon avro
Karlos Alberta Parreya (CAR) – 1,2 milyon avro
Havyer Aqirre (Meksika) – 1,2 milyon avro
Karlos Dunqa (Braziliya) – 800 min avro
Diyeqo Maradona (Argentina) – 800 min avro
Takeşi Okada (Yaponiya) – 800 min avro
Rikki Qerbert (Yeni Zelandiya) – 800 min avro
Otto Rexagel (Yunanıstan) – 750 min avro
Pol Le Quen (Kamerun) – 650 min avro
Marselo Bersa (Çili) – 580 min avro
Raymon Domenek (Fransa) – 560 min avro
Vahid Xalilociç (Kot-d-İvuar) – 510 min avro
Xun Yanq Mu (Cənubi Koreya) – 410 min avro
Morten Olsen (Danimarka) – 390 min avro
Milovan Rayeviç (Qana) – 370 min avro
Radomir Antiç (Serbiya) – 310 min avro
Bob Bredli (ABŞ) – 280 min avro
Matyas Kek (Sloveniya) – 250 min avro
1 USD
1 EUR
1 RUB
1 GBP
100 JPY
