Rusiyada adambaşına düşən yaşayış minimumunun həcmi 2010-cu ilin I rübündə 182 dollar təşkil edib ki, bu da ötən ilin sonuncu rübü ilə müqayisədə 12,3 dollar çoxdur. “İqtisadi forum” jurnalının RİA «Novosti» agentliyinə istinadən verdiyi məlumata görə, baş nazir Vladimir Putin bununla bağlı müvafiq sərəncam imzalayıb.
Ölkədə əmək qabiliyyətli əhali üçün yaşayış minimumunun həddi $196, pensiyaçılar üçün $145, uşaqlar üçün isə $175 təşkil edib.
Rusiya Statistika İdarəsinin məlumatına görə, 2009-cu ildə ölkədə yoxsulluq səviyyəsi postsovet ölkələri arasında ən aşağı həddə olub. Yaşayış minimumundan aşağı qazanan rusiyalıların sayı 18,5 milyon nəfər olub ki, bu da ölkə əhalisinin 13,1%-ni təşkil edir.
Məlumat üçün bildirək ki, Azərbaycanda yaşayış minimumu 2010-cu il üzrə 87 manat ($109) səviyyəsində təsdiqlənib. Bundan başqa əmək qabiliyyətli vətəndaşlar üçün bu hədd 96 manat ($120), pensiyaçılar üçün 68 manat ($85), uşaqlar üçün 72 ($90) manatdır.
1 USD
1 EUR
1 RUB
1 GBP
100 JPY
