İqtisadi Təşəbbüslərə Yardım İctimai Birliyi bu günlərdə "Kəndlərdə su təchizatı: keyfiyyət və əlçatanlıq problemləri" adlı kitab nəşr edib. "İqtisadi forum" jurnalının məlumatına görə, kitabda təşkilatın layihə çərçivəsində apardığı tədqiqatlar və onların çıxardığı nəticələr barədə məlumatlar yerləşdirilib. Bu tədqiqatlar içməli su təchizatı sistemində tariflərin müəyyən edilməsi mexanizmlərini, içməli suyun keyfiyyətinə və əlçatanlılığına dair milli və beynəlxalq standartların müqayisəli təhlilini, kənd yerlərində əhalinin içməli suya əlçatanlılığın səviyyəsini, yerli su infrastrukturunun qiymətləndirilməsini əhatə edir.

Xəbər verildiyi kimi, dövlət başçısı İlham Əliyev əhalinin içməli su təchizatı və kanalizasiya xidmətlərindən istifadəyə görə yaranmış borcların silinməsi haqqında fərman imzalayıb. Fərmana görə, əhalinin 2011-ci il 1 fevral tarixinə qədər «Azərsu» ASC-yə olan 294,2 milyon manat məbləğində borcları silinib. 

Dünya maliyyə bazarlarında ABŞ dollarının ucuzlaşması Azərbaycandan da yan keçmir. Xüsusilə də son aylar dolların zəif də olsa ucuzlaşmasını müşahidə etmək olar. “İqtisadi forum” jurnalının məlumatına görə, Mərkəzi Bank aprelin 7-də dolların manata nisbətən rəsmi məzənnəsini növbəti dəfə aşağı salaraq 79,23 qəpik müəyyən edib. Bu, 1999-cu ildən bəri ən aşağı həddir.

Samir Əliyev: “Uçot dərəcələrinin artımı davam edəcək, manat möhkəmlənəcək”

Azərbaycanda antikorrupsiya kampaniyasının 1 ayı arxada qaldı. Yanvarın 27-də Prezident Administrasiyasının rəhbəri Ramiz Mehdiyevin sədrliyi ilə keçirilən korrupsiyaya qarşı mübarizə tədbirləri sonradan bütün hökumət strukturlarını əhatə etdi. Bir çox nazirliklərdə məmurların cəzalandırılması, rüşvətin ləğv olunması xəbərləri gəldi. Ancaq ötən bir ay daha çox ciddi bahalaşma ilə yadda qaldı. Bəzi ekspertlərə görə, bahalaşma oliqarx məmurların antikorrupsiya kampaniyasına etirazıdır.

Ötən il Azərbaycan əsas kapitala investisiyanın artımı və inflyasiyanın aşağı səviyyədə saxlanmasına görə MDB ölkələri arasında lider, sənaye istehsalının artım tempinə görə sonuncu olub. “İqtisadi forum” jurnalının məlumatına görə, MDB dövlətlərarsı Statistika Komitəsi 2010-cu il üzrə statistik məlumatları açıqlayıb.

Azərbaycanda sərnişindaşıma sektoru böyük qanunsuzluqların əsirinə çevrilib. Hər şey avtobuslardan başladı: qısa müddətdə «mədəni xidmət» devizi ilə ayrı-ayrı şəxslərə məxsus kiçik və orta ölçülü avtobuslar paytaxtın küçələrindən kütləvi şəkildə yığışdırıldı, Koreya istehsalı olan iritutmlu avtobuslar sürətlə onları əvəzlədi. Axır 3-4 ildə dövlətin pulu hesabına alınıb, şəxsi biznesə çalışan belə avtobusların sayı 1500-ə çatır. Artıq Bakıda avtobus xidmətləri məmur-sahibkarların inhisarına alınması prosesi baş çatıb. İndi növbə taksilərindi …    

Neftə əsaslanan inkişaf

Neft Fondundan dövlət büdcəsinə transfertlərin məbləği ildən-ilə artdıqca büdcə gəlirlərinin formalaşmasında Fondun payı da yüksələn xətlə artır. Dövlət büdcəsinin gəlirlərində Fondun transfertlərinin xüsusi çəkisi 2004-cü ildə 8.8 faiz, 2005-ci ildə 7.3 faiz, 2006-cı ildə 15.1 faiz, 2007-ci ildə 9.7 faiz olduğu halda, 2008-ci ildə artıq 35.3 faiz həddində olmuşdur. 2009-cu ildə isə büdcə gəlirlərinin həcminin 50 faizindən çoxunun məhz Fondun transferti hesabına formalaşması gözlənilir.